ఒక బస్సులో ఇద్దరు హీరోలు , ముగ్గురు విలన్లు , యాబై మంది వెదవలు కలిసి ప్రయాణం చేస్తుంటే ,ఇలాంటి " స్మార్ట్ సీన్ " లే ఉంటాయి!

                                                                     

           

          అరెరే ! ఏమి సమాజం! ఏమి సమాజం! స్మార్ట్ సిటి ల కోసం ఆరాట పడే సమాజం ఇలాగే ఉంటుందా ? ఇందుకా మనం నాగరీకులుం అని మురిసి పోయేది. తప్పు జరుగుతున్నప్పుడు ఖండించడం ఎలాగూ చేత కాదూ , కనీసం దైర్యంగా ఇద్దరు ఆడపిల్లలు తమ పట్ల జరిగిన అనుచిత ప్రవర్తనను దైర్యంగా ఎదుర్కొంటుంటె , వారికి బాసటగా నిలిచి , తప్పు చేసిన వారిని నాలుగు పీకి , పోలిస్ కేసులు పెట్టించాల్సిన అవసరం లేదా? ఆ బస్సులోని సుమారు 50 మంది ప్రయాణికులు ఇంక్లుడింగ్  స్త్రీలు ఎందుకు మన్ను తిన్న పాముల్లా , అలా మెదల కుండా ఉన్నారు? అసలు ఈ సీన్ వెనుక జరిగినదేమిటి? అమ్మాయిలని బనాయించిన కేసులో 48 గంటలు గడచినా పోలిసులు ఎందుకు కేసు నమోదు చేయలేదు? ఫైటింగ్ సీన్ సోషల్ మీడియాలో ప్రచారమయ్యకే , అమ్మాయిల తల్లి తండ్రులు పోలీసులను ఆశ్రయించారు ఆ తర్వాత కూడా పంచాయతి పెద్దలు వారిని కేసు ఉపసంహరించుకోమంటున్నారు అంటె, అబ్బ్బాయిలు అమ్మాయిలని ఏడిపించడం కామన్ అని హర్యానాలోని పెద్దమనుషుల అబిమతమా? పోలీసులకు కూడా అదే బావమా? ఇవ్వన్నీ "డేరింగ్ హర్యానా సిస్టర్స్ " ఉదంతం లో ఉదయిస్తున్న ప్రశ్నలు. పూర్తీ వివరాలు కోసం పై చిత్రం లోని పత్రికా సారాంశం చూడండి .
                                                                       

 ఇక్కడ మనం అలోచించాల్సింది ఏమిటంటె , బస్సులో ప్రయాణిస్తున్న పాసెంజర్స్ ఎవరూ సాక్ష్యం చెప్పడానికి ముందుకు రాక పోతే ,కేసు తిరిగి అమ్మాయిల మెడకే చుట్టుకుంటుంది . సెల్ చిత్రీకరణ లో అమ్మాయిలూ అబ్బాయిని బెల్ట్ తీసుకుని బాదడం కనిపిస్తుంది కాని , పోకిరీలు చేసిన వేదవ పని కనిపించదు. బస్సులో పాసెంజర్స్ ఎవరూ అమ్మాయిలకి సపోర్ట్ గా రాకపోవటం డిఫెన్స్ వారికి అనుకూలమైన పాయింట్  గా మారుతుంది. కాబట్టి నిర్బయ లాంటి ఉదంతాలతో అట్టుడుకుతున్న సమాజంలో,  తమ కళ్ళ  ఎదుటే  పోకిరీలు అమ్మాయిలని ఏడిపిస్తుంటె , జనం కిమ్మనకుండా ఉన్నారు అంటె , నిజంగా  ఆ పోకిరీలు కంటే ఎక్కువ శిక్ష అనుబవించాల్సిన నేరస్తులు , ఆ చేత కాని సహా  ప్రయాణీకులే  అన్నది స్పష్టం! ఏదేమైనా హాట్సాప్ టు  డేరింగ్ సిస్టర్స్!

    బస్సులో పోకీరలను డేరింగ్ సిస్టర్స్ ఎలా బెల్ట్ తీసుకు బాదుతున్నారో క్రింది వీడియోలో చోడండి.
       
          

                                             (1/12/2014 Post Republished).