ఆలి కోసం కులంచెడ్డా,మిగిలింది ఎగతాళే!

                                                                  

              
                           
                  ఈ మద్య మాకు తెలిసినతను తన బామ్మర్దిని నా దగ్గరకు తీసుకు వచ్చి అతని సమస్యకు పరిష్కారం చెప్పమని అడిగాడు. అతని బామ్మర్ది సమస్య విన్న నాకు చాలా ఆశ్చర్యం వేసింది.సమాజంలో ఇటువంటి మనుషులు, అందులో ఆడపిల్లలు ఉంటారా అనిపించింది.సరే పరీష్కారం చెపుతాను కొద్ది రోజులాగి రండి అని వారిని పంపించి వేసాను.సమస్యా నేటి స్త్రీ పురుషుల మద్య  ఉండవలసిన  సంబందాలు ఏ విదంగా ఉన్నాయో తెలిపే ఒక ఉదాహరణ గా బావించి మీతో షేర్ చేసుకుందామనిపించి అతని సమస్యను మీ ముందుంచుతున్నాను.దీనికి పరీష్కారం చెప్పండి.

                     అతను అగ్ర వర్ణానికి చెందిన వ్యక్తి.తక్కువుగా చదువుకున్నాడు.సుతారి మేస్త్రి గా పని చేస్తూ తన తల్లితో కలిసి జీవిస్తున్నాడు. ఉన్న ఒక అక్క పెళ్ళి చేసి తమకున్న రెండు ఎకరాల భూమిలో ఒక ఎకరం ఆమే కి ఇచ్చాడు.వాళ్ల సామాజిక వర్గంలో వాళ్ళు చేసిన స్త్రీ శిశు హత్యా పాపానికి పాపం ఇప్పుడు ఆడ పిల్లల్లు కరువై అతనికి వదువు దొరకడం కష్టం అయి పోయింది.చివరకు వయసు పోరు తట్టుకోలేక పోవటం వల్ల కాని, ఏలాగోలా ఒక ఇంటి వాడు కావాలన్న ఆశ తో నైతే కాని కొంత మంది మిత్రుల సలహా మేరకు కట్నం ఏమి లేకుండానే కులాంతర వివాహానికి సిద్ద పడ్డాడు. చివ్రకు ఒక మద్యవర్తి సహాయంతో ఒక అమ్మాయని, ఇరు కుటుంబాల అంగీకారంతో పెళ్లి చేసుకున్నాడు.హాయిగా కాపురం సాగించాడు.అతని బందువులు కూడ కులంచెడ్డా మంచి పనే జరిగింది లే అని సంతోషించారు.

 కొన్నాళ్లకి ఆ ఆమ్మాయికి గర్బం వచ్చింది. ఆ అబ్బాయి బోల్డు ఆనంద పడిపోయి పెళ్లాని అపు రూపంగా చూడటం మొదలు పెట్టాడు. కాని అతని ఆశల మీద నీళ్లు చల్లుతూ, ఆ గర్బం కాస్తా పోయే సరికి నిరాశపడ్దాడు. ఆ తర్వాతి గర్బం కూడ అదే మాదిరి అయ్యే సరికి, అతని బావకు తెలిసిన డాక్టర్ దగ్గరకు వెళ్లి పరిక్షలు చేయిస్తే వారికి పిడుగు లాంటి నిజం తెలిసింది.ఆమెకు పెళ్లికి పూర్వమే 6 ఆబార్షన్లు అయ్యాయని, కాబట్టి ఆమేకు గర్బం నిలవడం కష్టమని చెపితే నమ్మలేక, ఆ అమ్మాయని నిలదీసే  సరికి అది నిజమేనని ఒప్పుకుంది.

అసలు కథ ఏమిటంటె ఆ అమ్మాయి పెళ్లికి పూర్వమే ఒకరి తర్వాత ఒకరిని ప్రేమించిందంటా(?).వారి వల్ల కడుపులు వస్తే డాక్టర్ల పుణ్యమాని గప్ చుప్ గా తీయించేసారట!అందులో ఒక ప్రియుడి మీద చీటింగ్ కేస్ పెట్టి పైసలు వసూల్ కూడ చేసారట.ఆ తర్వాత పెళ్లాం దొరక్క బాద పడుతున్న ఈ అబ్బాయిని చూసి మద్యవర్తి సలహా(కుట్ర) తో ఈ విషయాలు ఏమి చెప్పకుండా వాళ్ల పెద్దలు పెళ్లి చేసారట.

 ఇప్పుడు ఈ అబ్బయి పరిస్తితి ముందు నుయ్యి, వెనుక గొయ్యి లాగా తయారై సలహా కోసం నా దగ్గరకు వచ్చాడు.నేను అతని ఉద్దేశ్యం అడిగితే తనకు సంతాన బాగ్యం కలిగితే చాలు ఆమెను క్షమించి ఏలుకుంటాను అంటున్నాడు. ఆ అమ్మాయి తను అమాయకంగా మోసపోయానని, ఈ పెళ్లిలో తన తప్పు ఏమి లేదని అంతా పెద్దల్దే నని ఏడుస్తుందట.అప్పుడు మెచ్చుకున్న బందువులే ఇప్పుడు కులం కానిదాన్ని కట్టుకున్నందుకు తగిన శాస్తి జరిగిందని ఎగతాళి చేస్తున్నారంట.
   అదండి  సంగతి! ఆ అబ్బాయికి ఏ మని సలహా ఇమ్మంటారు?

                             (Republished Post. 11/11/2012)