సార్, పాప ఏడ్చింది! అలాగా,అయితే అరెస్ట్ చెయ్యండి!

                                                               

  మీకు గ్రైప్ వాటర్ వారి  ఒక అడ్వర్టైజ్ మెంట్ గుర్తుండే ఉంటుంది. "పాప ఏడ్చింది అని తల్లి అంటే "వుడ్ వర్డ్స్" పట్టండి అని అమ్మమ్మ అంటుంది.కాని "నార్వేలో"  మాత్రం పోలిస్ వాటర్ తాగాల్శిందే!

 మొన్న పిల్లల్ని మందలీంచారని,సరిగా పట్టించుకోవటం లేదని ఇద్దరి పిల్లల్ను తమ తల్లితండ్రుల నుండి వేరు చేసి, వారికి శిక్ష విదించారట "నార్వే" దేశం వారు. ఇది జరిగింది నార్వే లోనే అయినా బాదితులు మాత్రం ఇండియన్ దంపతులు.ఇండియన్ దంపతులకి, ఇద్దరు పిల్లలు. పిల్లలు ఇద్దర్ని విడి విడిగా పడుకోపెత్టకుండా ఒకే మంచం మీద పడుకోబెట్టడం, వారు చేసే పనులకు వారిని మందలించడం ఇవి తల్లి తండ్రులు చేసిన తప్పులట. అలా పిల్లల్ని దండించడం, వారికి సరిఅయిన సౌకర్యాలు  కల్పించక పోవడం అక్కాది చట్టాలు ప్రకారం నేరమట. అందుకే తల్లితండ్రులను శిక్షించడమే కాక పిల్లలు ఇద్దర్ని వేరు చేసి వారి క్కశ్టడిలో ఉంచితే’ మన ప్రభుత్వం వారు కలుగ చేసుక్కుని పిల్లల్ని మాత్రం ఎలాగో వారి బాబాయి సంరక్షణలో ఉంచడానికి నార్వే వారిని ఒప్పించారట. ఇది మనకు చూడటానికి "నార్వే" వారి చట్టాలు అతి అనిపించినా, పిల్లల సంరక్షణలో సమాజ బాద్యత ప్రదర్శించడంలో "ఆదర్శం" అని చెప్పవచ్చు.

  అమెరికాలో కూడ పిల్లల విషయంలో చట్టాలు కటినంగానే ఉంటాయట.ఒకసారి ఇండియావారే,కారులో వేళుతూ, తాత గారు, పసివాడైన  తన మనవడిని, ఒళ్లో కూర్చో బెట్టుకుంటే, దానికి అమెరికా పోలిస్ వారు,పసివారికి సెపరేట్ సేఫ్టీ సీట్ ఉంటుందని,వారిని దానిలోనే కూర్చో బెట్టాలని,అలా చెయ్యలేదు కాబట్టి బారీ జరిమానా విదించారట!.

  ఇది వింటుంటే, నాకు ఆశ్చ్చర్యం వేస్తుంది.ఇలాంటి చట్టం మన దగ్గర ఉంటే,ఇంచు మించు బారతీయ తల్లి తండ్రులందరు జైళ్లల్లోనే ఉండాలిశివచ్చేది."అతి సర్వత్రా వర్జ్యయేత్" అనే నానుడి మనకు అలవాటైన,పిల్ల పెంపకం విషయంలో మాత్రం వారి శ్రద్దను అభినందించకుండా ఉండలేము.

 గమనిక:- ఈ వార్త ప్రసారం చేసిన రోజు సాయంత్రమే ఇంకొక వార్తను చూసాను. మన "వైజాగ్"లో  ఒక కన్న తల్లి(?), తన అయిదేల్ల లోపు పాప, మాట వినలేదని, చిన్నారి బుగ్గల మీద వాతలు పెట్టింది. ఆ పాపను టి.వి లో చూపిస్తే, చూసిన వారికి కళ్లల్లో నీరుతిరగక మానవు. ఇటువంటి వారిని ఒక సారి "నార్వే"  పంపిస్తే బాగుండు అనిపించింది,