ఓరీ దేవుడో ! ఈ అమెరికా వాళ్ళు నన్ను మిస్సమ్మని చేసారు ... రో...
(అంతేనా , మైండ్ బ్లాంక్ అయి వేరెవరికో ఇవ్వాల్సినది ఈమెకు ఇచ్చారా }. సరే ఏదైతేనేం , కనిపించే బౌతిక సౌందర్యంని కాదని కనిపించని మానసిక సౌందర్యానికే "మిస్ అమెరికా " పట్టం కట్టారట అమెరికన్లు .
మరి రేపట్నుంచి అడ్వర్టైజ్ మెంట్ల కోసం ఈ "మిస్ అమెరికా " గారు కనిపించే బౌతిక సౌందర్యం ని ప్రదర్శిస్తారా లేక కనిపించని మానసిక సౌందర్యాన్ని ప్రదర్శిస్తారా ? అసలు ఈ " మిస్" ల పోటిల ఉద్దేస్యం పక్కా వ్యాపారం . ఇండియా లాంటి అతి పెద్ద మార్కెట్ లో విదేశి కంపెనీలు తమ ఉత్పత్తులను అమ్ముకోవడానికి ప్రచార సాదానాలుగా అమ్మాయిలను ఉపయోగించే ప్రక్రియలో బాగమే అందాల పోటిలు . పొద్దున్న లేచిన దగ్గర్నుంచి రాత్రి పడుకో బోయే వరకు ముఖాలకు ఆ క్రీమ్ ,ఈ క్రీమ్ పూసుకుంటూ , ఒంటి సౌందర్యం చూసి మురిసి పోయే వారు మానసిక సౌందర్యం గురించి చిలక పలుకులు పలుకుతుంటే ,చెవిలో పువులున్న వారు నమ్మితే నమ్మొచ్చు గాక . ఆమె తల్లి తండ్రులు విజయవాడ నుంచి వెళ్లి అమెరికాలో స్తిర పడిన వారు కాబట్టి ఆ అమ్మాయికి అంటే భారత సంతతికి చెందిన వారికి "మిస్ అమెరికా " వచ్చిందని గర్వించాలా ? లేక కంపెనీల వ్యాపార ఉత్పత్తుల ప్రచార అవసరాలకు ఒక తెలుగు అమ్మాయి యొక్క కనిపించే అందాన్నే కాక కనిపించని అందాలను (మానసిక సౌందర్యం } కూడా వాడుకుంటునారే అని చింతించాలా ?
నాకైతే పాపం పై పొటోలో ఆ అమ్మాయిని చూస్తుంటే 'ఓరీ దేవుడో ! ఈ అమెరికా వాళ్ళు నన్ను మిస్సమ్మని చేసారు ... రో." అని అరుస్తూ విలపిస్తున్నట్లుంది . మరి మీకేమనిపిస్తుంది ?
Comments
Post a Comment