మొత్తానికి బ్రిటిష్ వాళ్లు మన కోహినూర్ వజ్రాన్నే కాదు," కెనార్క్" D.N.A కూడా దొంగిలించుకు వెళ్ళారన్న మాట!

                                                        

   నిన్న ఒక వార్త చూశాను. ఆ వార్త చూసి మనవాళ్లు కొంతమంది సంతోషిస్తున్నట్లు ఉంది. ఇంతకి వార్త ఏమిటంటే, ప్రస్తుత బ్రిటిష్ యువరాజు "చార్లెస్ డయానా",ల కుమారుడు విలియమ్స్ లో మన బారతీయ స్త్రీ మూలాలు అంటే D.N.A  ఉందట! కాబట్టి ఆయన మన వాడేనట. అదీ సంబడం!

  ఇంతకి బ్రితిష్ యువరాజులో మన వాళ్ళ  D.N.A    చేరిన విదంబు ఎట్టిదనిన, సదరు యువరాజు గారి అమ్మ,అమ్మ,అమ్మ,అమ్మ,అమ్మ అయిన "ఎలిజా కెనార్క్" గారు సూరత్ లో ఒక ఇంగ్లీష్ జాతీయుడు అయిన వ్యాపారి వద్ద పని మనిషిగా ఉండేదట! వారిద్దరి మద్య ఉన్న ఒప్పందానుసారం కాబోలు ఆవిడ గారు ఆయన గారికి "కేదరిన్" అనే కూతురిని కని ఇస్తే, ఆయన ఇంగ్లాండ్ తిరిగి వేళ్ళేటప్పుడు పనిమనిషిని వదిలేసి తన మనిషి(కేదరిన్) ని తీసుకు వేళ్ళాడట. అదిగో ఆ కేదరిన్ తాలుకు వారసురాలే  విలియమ్స్ తల్లి "డయానా". ఆమే ద్వారా బారతీయ "జీన్"   విలియమ్స్ కి వచ్చిందట!. ఇప్పుడు ఆయన గారి ఇంగ్లాండ్ సింహాసనం అదిష్టించబోయే  చార్లెస్ కుమారుడు మరియు తర్వాతి వరుసలో ఉన్నవాడు కాబట్టి, మన బారతీయ  D.N.A      ఇంగ్లాండ్ సింహాసనం మీద ఉందని ఆనందించవచ్చటా! ఎంతటి అల్పానందం!

  తెల్లవారు మన దేశం ని యదేచ్చగా దోపిడి చేసి, వెళుతూ, వెళుతూ మన నెమలి సింహాసనం, కోహీనూర్ వజ్రం తీసుకు వెల్లరని చెపుతారు. అలాగే యువరాజు విలియమ్స్  గారి ముత్తాత, కోహినూర్ వజ్రం కన్నా విలువైన అత్యంత అరుదైన "మైట్రో కాండ్రియల్"  D.N.A   ని దొంగిలించుకు వెళ్ళాడు. బ్రిటిష్ యువరాజులో ఉన్న ఆ బారతీయ    చాలా అరుదైనదని బ్రిటిష్ శాస్తవేత్తలే తేల్చారు మరి!నిజంగ  విలియమ్స్ముత్తాత ఇండియన్ పనిమనిషి మీద ప్రేమ ఉంటే ఆమెని కూడ తీసుకు వెళ్ల్లాలి కదా.అలా కాకుండా తనకు పుట్టిన కూతురును మాత్రమే తీసుకు వెళ్ళాడు అంటే అది ఖచ్చితంగా "వారసత్వ చౌర్యమే"!

  అయినా మన పిచ్చి కాని, వారి బావజాలాన్ని(విడదీసి పాలించు) మనకెక్కించి, మన వారసత్వాన్ని వారు తీసుకు వెలితే, ఇక్కడా నష్టమే, అక్కడా నష్టమే! మనం రెంటికి చెడ్డ రేవడిలం!