అవమానకర దర్యాప్తుతో ఇల్లాలి ని అనుమానించి, మాజీ న్యాయ మూర్త్రి చేతనే కంట తడి పెట్టించిన "పటమట పోలీసులు "

                                                                         

 

  తెలుగు జాతి సిగ్గుతో తల వంచుకోవాలి, ఇటువంటి పొలిసు అధికారులను నియమించుకున్నందుకు! స్కాట్లాండ్ లాండ్ యార్డ్ పోలిస్ మాదిరి గొప్ప సాహస పరిశోదనలు చేసి ప్రజలకు న్యాయం చేయమని ఎవరూ అడగటం లేదు కాని , కనీసం పిర్యాదు చేసే వారి మనోబావాలు గుర్తించి , వారికి స్వాంతన కలిగేలా మాట్లాడుతూ , విచారణ చేసే బదులు , వారిని మానసికంగా హింసిoచేలా మాట్లాడుతూ , అదేదో తమ డ్యూటిలో బాగం అని పిలయ్యే పోలిస్ అధికారులను చూస్తుంటే అసలు పిర్యాదు ఎందుకు చేసామా అని అనిపిస్తుంది . ఇండియన్ పోలిస్ వారికీ కొన్ని జనరల్ ప్రిన్సిపుల్స్ ఉన్నాయట . ఎ దర్యాప్తులోనైన వాటిని పాటించటం ఇండియన్ పోలీసులో భాగమైన తెలుగు నాట పొలిసు వారికీ సహజo అని విజయవాడ కు చెందిన "పటమట లంక" పోలిస్ వారు సెలవిచ్చారట . పాపం ! విరి దర్యాప్తు తీరుకు సాక్షాత్ ఒక మాజీ న్యాయమూర్తి గారే కళ్ళ నీరు పెట్టుకున్నారంటే , వారి దర్యాప్తు విదానం లో ఎంత "పెప్పర్ స్ప్రే " ఉందొ చూడండి . వివరాలు లోకి వెళితే

    విజయవాడ కు చెందిన హిమ బిందు ,సప్తగిరి  బాంక్ మేనేజర్ గారి బార్య . ఆమెకు ఇంజనీరింగ్ చదివే కూతురు , కుమారుడు ఉన్నారు . ఆమె గారు మొన్న పదిహేనో తారీకు నుండి కనిపించటం లెదు. 15 వ తారికున మద్యాహ్నం ఇంటికి వచ్చిన ఆమె భర్తకు ఇంట్లోని బట్టలు , వస్తువులు చిందర వందరగా ఉండటం , బార్య తో పాటు ఇంట్లోని నగలు , బట్టలు కనిపించక పోవటంతో అయన కంగారు పడి అక్కడా , ఇక్కడా వాకబు అనంతరం , తన భార్యను నగల కోసం ఎవరో కిడ్నాప్ చేసి ఉంటారని పోలిస్ కేసు పెట్టడానికి పోలిస్ స్టేషన్ కి వెళితే , పోలీసులు హిమ బిందు గారి క్యారక్టర్ నే అనుమానిస్తూ , పిర్యాదు చేయడానికి వెళ్ళిన వారిని మాటలతో తూట్లు పొడిచారట !. పైగా ఇది దర్యాప్తులో  జనరల్ ప్రాసెస్ అన్నారట . పోనీ అన్న వారేమైనా , ఆ తర్వాత అయినా ఆమె గురించి సీరియస్ గా సెర్చ్ చేసారా అంటే అది లేదు . భర్తని , ఆమె తరపు భండువులని అనుమానిస్తూ కాలం గడి పారు . చివరకు 4 రోజుల తర్వాత ఆమె శవం బందర్ కాలువలో కనపడితే తెల్ల ముఖాలు వేసుకుని పార్మాలిటి లు  పూర్తీ చేస్తున్నారట !.

           స్తానికుల కదనo ప్రకారం హిమబిందు గారు ఉంటున్న ప్రక్క పోర్షన్ లోని యజమానులు ఇంటికి తాళం వేసి ఉంది . వారి కారు డ్రైవర్ ఇంకా కొంతమంది కలసి ఆమె ఒంటరిగా ఉన్నప్పుడు ఇంట్లోకి జొరబడి , ఆమెను చంపి నగలు అపహరించి , ఆమె శవాన్ని అపార్ట్మెంట్లలో ఎకడో ఒక చోట కొంత సేపు ఉంచి , రాత్రి వేళా  కాలువలో పడవేసి ఉంటారట . పోలిస్ వారు సకాలం లో స్పందించి , జాగిలాలతో వెతికించి ఉంటె తప్పకుండా హంతకులు పట్టుబడి ఉండే వారట  . హతురాలి వయస్సు , స్తాయిని కూడా పరిగణలోకి తీసుకోకుండా , జనరల్ ప్రాసెస్ పేరుతొ ఆమె బందువుల మనో బావాలను గాయపరచిన పటమట పోలీసులు తీరును గమనించిన మాజీ న్యాయమూర్తి , హిమబిందు గారి మేనమామ గారు అ విషయాన్ని మీడియాకు తెలిపే వేళా ఎలా కన్నీరు పెట్టుకున్నారో చూస్తే ఎవరికైనా మనసు చలించక మానదు.