పవన్ కళ్యాణ్ "ఇజం " ద్వారా రాజు రవితేజ ఆవిష్కరిస్తున్న "నిజం" ఏమిటి?

                                                                       

నూతనంగా రాజకీయ పార్టి పెట్టబోయే ప్రతి ఒకరికి ఏదో ఒక ప్రత్యెక "ఇజం" ఉండాలా ? అవును ఉండాల్సిందే అంటున్నాడు పవర్ స్టార్ పవన్ కళ్యాన్ . దాని ద్వారా నే పార్టి ఉద్దేశ్యాలు , ఆశయాలు , తెలుస్తాయి .మరి పార్టి మానిపెస్తో ఎందుకు? పార్టి ఆశయాలను   సాదించడానికి రానున్న 5 యేండ్ల కాలంలో తాము ఏర్పరచుకున్న ప్రణాళికలు , వాటి అమలు విదానం ఇవ్వన్ని తెలియ చేసేదే "పార్టి మేనిపెస్తో ". మరి ప్రజలకు కావాల్సింది పార్టి "ఇజమా ? లేక మేనిపెస్తో నా అంటే ఖచ్చితంగా మేనిపేస్ట్ యే అని అనక తప్పదు .
    ఇలా ఖచ్చితం అని ఎందుకు అనాల్సి వస్తుందంటే , ఎన్నో ఇజాలు పుట్టాయి . అన్ని ఇజాలులొ అంతో ఇంతో నిజం ఉంటుంది . కాని ఏ ఇజం కూడా అందర్నీ సంతృప్తి పరచేలా ఉండదు . ఎవరి ఇజం వారికే కరెక్టు అనిపిస్తుంది . ఈ ఇజాలు గురించి భారత దేశ ప్రజలు విని , విని ఉండటం వలన వారికి ఇజాల మిద ఆసక్తి ఉన్నట్లు కనపడటం లేదు . పవన్ కళ్యాణ్  గారి "ఇజం " గురించి వినపడుతున్న వార్తలు పట్టి చూస్తె అది భారత రాజ్యాంగo లాంటిదేమో అన్న అనుమానం కలుగుతుంది . ఎందుకంటే ప్రపంచంలో ఉన్న అందరి ఆలోచనలు అందులో ఉన్నట్లు ఉన్నాయి . మరి వాటి అమలు సాద్యపడుతుందా ?చూదాం !
   భారత రాజ్యాంగాన్ని కాపాడతామని ,దానిలో చెప్పిన విధంగానే విదులు నిర్వహిస్తాం అని బహిరంగంగా ప్రతిజ్ఞ చేసిన తల పండిన పెద్దలు , తమ పంతం నెరవేర్చుకోవడం కోసం పార్లమెంటు తలుపులు మూసి ,లైవ్ టెలికాస్ట్ ఆపి , నిర్లజ్జగా రాష్ట్ర విభజన చేస్తుంటే ఇదే కరక్టే అన్నవారు కొందరు, తప్పన్న వారు మరి కొందరు . చివరకు అందరు తలవంచి పెద్దలు చేసిన నిర్ణయానికి కట్టుబడ్డారు . మరి భారత రాజ్యాంగానే వక్రబాష్యాలతో ఉల్లంగిస్తే దిక్కు లేని దేశంలో అప్త్రాల్  "ఇజాలు " గురించి ప్రజలకు పెద్ద పట్టింపు ఏమి ఉంటుంది ?

   అయినా సరే మేధావులకు "ఇజం " గురించి తెలుసుకోవాలనే ఉత్సుకత ఉంటుంది . పవన్ కళ్యాన్ గారు చెపుతున్న "ఇజం" అనే పుస్తకం రచన వెనుక రాజు రవి తేజ అనే అయన ఉన్నారట . పవన్ కళ్యాన్ అయన కలసి గత 5 ఏండ్లుగా సమాజం లో తీసుకు రావాల్సిన మార్పులు గురించి , అలోచించి , అలోచించి చివరకు "ఇజం" ని రూపొందించారట . మరి అది ఎవరి గురించి చెప్తున్న నిజమో ఈ రోజు సాయంత్రానికి కాని తెలియదు.నా అభిప్రాయం అయితే అటు సోషలిజం , ఇటు ట్రెడిషనలిజం  కు మధ్యే మార్గంగా ఒక కొత్త ఇజం గురించి పుస్తకంలో రాసినట్లు ఉంది . రాజు రవితేజ గురించి మంచి ట్రాక్ రికార్డే ఉన్నట్లు అనిపిస్తుంది . ఎ ఇజం అయినా అంతో ఇంతో సమకాలిన సమస్యలకు పరిష్కారం చూపగలిగితేనే దానికి కొంత సార్ధకత . లేకుంటే పేరు గొప్ప !ఊరు దిబ్బ ! అన్న చందమే ! పవన్ గారి ఇజం అ విదంగా కాకుండా ప్రస్తుత సమస్యల పరిష్కారానికి ఒక కొత్త దారి చూపుతుందని ఆశిద్దాం .

         ఇజం కర్త లలో ఒకరైన రాజు రవి తేజ గురించి మరింత సమాచారం కొరకు క్రింది వీడియోను చూడండి .