"పని నేర్చుకోండి ముందర,పెళ్లికెందుకు తొందర".పథకం అమలులో సక్సెస్ అవుతున్న ఇండియన్ యువత!!?

                                 
                                                                     
కొన్నేళ్ల క్రిందట మన గవర్నమెంట్ వారు విశేషం గా ప్రచారం చేసిన స్లోగన్ ఇది. ఆ రోజుల్లో తక్కువ వయస్సులో వివాహాలు చెయ్యడం,ప్రజలకు కుటుంబ నియంత్రణ పద్దతుల మీద అవగాహాన లేకపోవడం వలన కనీస వయస్సు రానిదే పెండ్లిళ్లు జరిపితే పుట్టబోయే పిల్లల ఆరోగ్యాలు,మాతా శిశు సంరక్షణ ఇవ్వన్నింటిని ద్రుష్టిలో పెట్టుకుని ’ముందు ఉద్యోగం తర్వాతె పెళ్లి’ అనే నినాదం ముందుకు తెచ్చారు.

  అంతవరకు బాగానే ఉంది.అందరికి ఉద్యోగాలు లేక ఉపాది కల్పనా అనేది అందని పండు అయింది. ఎక్కడికి వెల్లిన  ఏ పని దొరక్కపోయే సరికి ఏం చెయ్యాలో యువతకు పాలు పోలేదు.కావాల్శిన పని దొరకడం ఎలాగు లేట్ అవుతుంది కాబట్టి, తమకు చేత నైన పని చెయ్యడం మొదలుపెట్టారు.అదేమిటంటే ప్రేమించడం,ముచ్చట తీర్చుకోవడం?ఈ  పని నేర్చుకోవడం లో వారికి ఇతోధికంగా సహాయం చేస్తున్నవి విదేశీ సంస్కృతికి ప్రతిరూపమైన డేటింగ్ సైట్లు

                           ఇక ఈ విదంగా పదవ తరగతికి వచ్చేసరికి "గర్ల్ ఫ్రెండ్" లేని జీవితం ఒక జీవితమా? బాయ్ ఫ్రేండ్ లేని బ్రతుకూ ఒక బ్రతుకేనా అనుకుంటు,ఊహాలోకాలలో విహరించి జీవితాన్ని ఎంజాయి చెయ్యడాలు,అన్ని ముచ్చట్లు తీర్చుకోవడాలు, ఆ తర్వాత పెద్దలకు తెలిసి మందలించడాలు, ఆ తర్వాత టా,టా బై,బై లు చెప్పుకుని ఎవరి పెళ్లిళ్ళు వారు చేసుకోవడాలు అంతా గప్ చిప్.

                                                                             

   అయితే దీని వల్ల సమాజానికి వచ్చే నష్టం ఏముంది ? నిజమే పెళ్లాయాక కరేక్ట్గా ఉంటే చాలు గదా! అంతకు ముందు ఎవరెలా ఉంటే,అని అనే మోడ్రన్ వాదులు అయిన పెద్దలూ ఉన్నారు . వారు  ఇదందరికి కామన్ అనుకోవచ్చు. అంతా మనం అనుకున్నట్టు ’సుఖమే’అయితే మన పెద్దలకి ఇటువంటి "సుఖ సంసారాలు" చేసుకోవడం చేతకాకనా ఈ నిబందనలన్ని? అందుకే భారతదేశం లో జరగరాని నష్టం జరిగి ఇప్పటికి కొనసాగుతూనే ఉంది .

                        పై విదంగా పనిమంతులు సంఖ్య నానాటికి పెరిగిపోతుండటం తో     ఆ తర్వాత జరిగిన పరిణామం ఏమిటంటే ,వీరి పనితనానికి మెచ్చి భగవంతుడు వీరికొక వ్యాదిని ప్రసాదించాడు. అదే ఎయిడ్స్.దాని దెబ్బకు 13 నుండి 20 సంవత్సరాల వారు నాశనమై పోయారు.ఈ రోజున కొన్ని గ్రామాలలో కనపించే పరిస్తితి చాలా దారుణంగా ఉంది. కొన్ని పట్టణాలలో అదిక శాతం యువతరం దీని బారిన పడ్డారు.చివరకు మన రాష్ట్రం దేశంలోనే అత్యదిక వ్యాదిగ్రస్తులున్న రాష్ట్రంగా మారింది.చివరకు మన ప్రభుత్వాలు ఏమి చెయ్యలేక"మీ అమ్మ కడుపు మాడా, కనీసం నిరోద్ లైనా వాడండ్రా" అనటం మొదలు పెట్టింది అయినా "అమ్మల కడుపులు మాడటం’తప్పటం లేదు.
 ఇదంతా దేనివలన అనుకున్నారు అదే,
           
                              "పని నేర్చుకోండి ముందర,పెళ్లికెందుకు తొందర".అనే స్లోగన్ ని మన్ వాళ్లు వేరే రకంగా అమలు చేసినందు వల్ల!
                                       (23/12/2012 Post Republished)