ఇంటి కుక్కను కట్టెసుకోపోయినా , ఇంట్లో కొడుకును అదుపులో పెట్ట్టెసుకోలేక పోయినా , ఇంటి ముందు ఇలాగే ఉంటుంది మరి ! .

                                                                 

           
                                                                       
                                       మనం సాదారణంగా ఇంట్లో పెంచుకునే కుక్కలను కట్టెసుకుంటాం . ఎందుకంటే  వీదుల్లో వెళ్ళేవారిని కరుస్తాయని కావచ్చు, లేకపోతే వీదుల్లోకి వెళ్లి తోటి కుక్కలతో గొడవపడి , తిరిగి అవి దాడికి దిగితే మన కుక్కకే నష్టం కాబట్టి . ఇక్కడ నాకెందుకో ఇంట్లో కొడుకు బుద్ది , కుక్క బుద్ధి ఒకటే అనిపిస్తుంది.  కుక్కకు కొంచం సందు దొరికితే రయ్యిన వీదిలోకి వెళుతుంది . తోటి కుక్కలతో గొడవపడే ముందు దానికి ఇల్లు గుర్తుకు రాదు. కాని పది కుక్కలు వెంటపడితే మాత్రం అప్పుడు ఇల్లు గుర్తుకు వచ్చి, ఆదరా బాదరా ఇంట్లోకి పరుగెత్తుకు వచ్చి , ఇంట్లో జొరపడి మూలన నక్కి అరుస్తుంది . అప్పుడు ఇంటి కుక్క రక్షణ యే ద్యేయంగా , ఆ వీది కుక్కలను తరిమి వేయాల్సి వస్తుంది . ఇది కుక్క కాబట్టి O.K , మరి అదే కొడుకు అయితేనో?

    అమ్మాయిలతో తిరిగేటప్పుడు , వారిని ప్రేమించేటప్పుడు, ఇంట్లో వారి అనుమతి లేకుండా వారిని రహస్య వివాహాలు చేసుకునే టప్పుడు , అమ్మా బాబులు అస్సలు గుర్తుకు రారు. కాని మోజులన్ని తీరాకా , ప్రేమించిన అమ్మాయే పెను భారం అనిపించాకా , ఆమెను వదిలించుకోవడానికి ఠక్కున ఇల్లు గుర్తుకు వస్తుంది . వేంటనే వచ్చి తల్లితండ్రుల శరణు  కోరితే, వారు చూస్తూ , చూస్తూ కొడుకుని వదులుకోలేరు కాబట్టి , తమ రక్షణలో ఉంచుకుంటారు . మరి అమ్మాయి , ఆమె తరపు వారు ఊరుకుంటారా? ఈదేశమ్లో ప్రేమించి పెండ్లాడానికి అమ్మానాన్నల అనుమతి అక్కర్లేదు , అలాగే ఇంటి ముందు ధర్నాలు చేయడానికి పోలిసులు అనుమతి అక్కర్లేదు కాబట్టి , వేంటనే అనుమతి పొందని అత్తవారింటి ముందు టెంట్ వేసి ధర్నా చేస్తుంటే , ఆ వీదిలో వారికే కాదు మీడియా పుణ్యమా అని రాష్ట్ర వ్యాప్తంగా , ఆ కుటుంబానికి యమ పబ్లిసిటి! ఆ తర్వాత సెటిల్మెంట్ పేరుతో ఎంతో కొంత వదిలించుకుని , కొడుకు ప్రేమ తంతుకు మంగళం పాడేసి , మమ అనేస్తారు .

   అందుకే అనేది ! ఇంటి కుక్క అయినా , ఇంట్లో కొడుకు అయినా అదుపులో ఉంచుకోవాలి . ఒక వేళ అదుపు తప్పితే , వారికి కుటుంబ సపోర్ట్ ఇవ్వరాదు. ఇస్తే ఇంటి పరువు మర్యాదలతో పాటు , ఆర్దికంగా కూడా నష్టపోవడం ఖాయం.ఎవరు ఎన్ని సుద్దులు చెప్పినా , ఇంట్లో పిల్లలని చూస్తూ , చూస్తో , కష్టాల్లో వదిలేయలేం అనుకుంటే , ":వివాహాలకు తల్లితండ్రుల అనుమతి తప్పని  సరి చేసేలా ప్రభుత్వాలను కోరండి . అప్పుడు కనీసం ఇంటి ముందు ధర్నాలు చేయించుకుని పరువులు తీసుకునే పరిస్తితి రాదు. ఇదే విషయం గురించి నేను ఇంతకు ముందు పెట్టిన టపాలను చూడండి .

తల్లి తండ్రుల అనుమతి లేని పెళ్ళి(వివాహం) చెల్లు బాటు ఎంతవరకు సమంజసం? ఒక శాస్త్రీయ పరీశీలన

                          (11/12/2014 Post Republished).