కోడల్ని ఇచ్చిన వారికే తమ వోటు అంటున్న హర్యానా కొడుకులు!

                                                                       

 

చేసుకున్న వారికి చేసుకున్నంత మహా దేవా ! అని హర్యానా లో పాతికేళ్ళ పై బడిన యువకులు పెండ్లి పెటాకులు లేక విల విల లాడి పోతున్నారట . కారణం ఏమిటయ్యా అంటే ఆ  రాష్ట్రంలో ప్రతి 1000 మంది పురుషులకు 877 మంది స్త్రీలు మాత్రమే  ఉన్నారట! మరి అలాoటి అసమతుల్యత కు కారణమేమిటి అంటే విజ్ఞానపు  స్కానింగ్ ల పుణ్యమాని ఆడపిల్లలను గర్బంలోనే  కనిపెట్టి  ఖతం చేసిన వారు కొందరయితే , అజ్ఞానపు ఆలోచనలతో పురిటిలోనే అడశిశువును అంత మొందించిన వారు మరి కొందరు . మొత్తానికి హర్యానా లో దేవుడిచ్చిన  ఆడపిల్లలను భూమి మీదకు ఆహ్వానించకుండా అడ్డు పడిన అమ్మా బాబుల పుణ్యామాని , ఈ  నాడు హర్యానా కొడుకులకి కోడళ్ళు దొరకని పరిస్తితిని దాపురిoప  చేసారు .

                 హర్యానా లో సుమారు 7000 గ్రామాలలో  తీసిన లెక్కల ప్రకారం , ప్రతి గ్రామంలో 150 నుండి 200 మంది యువకులు వరకు అమ్మాయిలు దొరకక అవురావురవురు మనుకుంటూ ఊళ్ళ మిద పడి కని పించిన ప్రతి ఆడపిల్ల తండ్రిని " మీ అమ్మాయి నిస్తారా , మీ అమ్మాయి నిస్తారా " అని ప్రాదేయ పడుతుంటే , "ఉద్యోగం లేని వాడికి మా అమ్మాయి నిచ్సెదే  లేదు" అని ముఖం మీదే కరా ఖండిగా చెప్పెస్తున్నారట , ఆ తండ్రులు . అలా ప్రాదేయ పడుతున్న వారి వయస్సు తక్కువేమీ కాదు , 25-29 సంవత్సరాల మద్య వారే .   "బెండకాయ ముదిరినా , బ్రహ్మ చారి ముదిరినా దండగే అని సామెత! పాపం మాటి మాటికి ఆ  సామెత గుర్తు వచ్చి, ముదిరి పోతున్న తమ బెండకాయలను తలచుకుని మరింత కృంగి పోతున్నారట  హర్యానాలోని ముదురు బ్రహ్మ చారులు . వారంతా కలిసి, పోయిన ఎలేక్షన్లకే అంటే 2009 లోనే' పవన్ కుమార్' అనే బ్రహ్మచారి నేతృత్వంలో " అఖిల హర్యానా బ్రహ్మ చారుల సంఘంగా" ఏర్పడి ప్రబుత్వం కి తమ బాదలు చెప్పుకోవడం ప్రారంబించారట .  కనీసం తమకు ఉద్యోగం తొందరగా ఇప్పిస్తే , తమను చూసి కాక పోయినా , తమ ఉద్యోగం చూసి అయినా ఆడపిల్లల తల్లి తండ్రులు తమకు పిల్లలు ఇస్తారు అని ప్రాదేయ పడుతున్నారట .

 
                        సదరు సంఘం వారు 2014 ఎన్నికలలో నిలబడే అబ్యార్డులకు ఒకే ఒకే విషయం అడుగుతున్నారట . "మాకు సబ్సిడీలు , నిరుద్యోగ బ్రుతులు వద్దూ , మా ఇంటికి కోడల్ని ఇవ్వండి . మా ఇంట్లో వోట్లన్ని పట్టుకు పొండి " అని అడుగు తున్న వారిని చూసి ఏమి చెయ్యాలో అర్ధం కాక తలలు పట్టుకున్తున్నారట , తల పండిన రాజకీయ నాయకులు. " ఎంకి పెండ్లి సుబ్బి చావు కొచ్చింది " అని హర్యానా ముదురుల పెండ్లి , అకడి రాజకీయ నాయకుల చావు కొచ్చింది . ఎన్నికల ప్రచారానికే టైం లేక చస్తుంటే ఇప్పుడు పెండ్లిళ్ళ పేరయ్యల ను ఎక్కడ వెతకాలి అని వారు విసుకుoటున్నారట. మీరేమి చేస్తారో మాకు తెలియదు " కోడల్ని తెండి , వోట్లను పట్టుకెల్లండి " అని భిష్మించుకున్నారట హర్యానా కొదుకులు.  అది కద!


 
           కాబట్టి , నాయనలారా ! ఆడపిల్లలకి ఉసురు ఉంటుందని ఇప్పటికైనా గ్రహించండి . వారిని భూమి మీదకు ఆనందంగా ఆహ్వానించండి . మీ ఇళ్ళకు వచ్చె "లక్ష్మికళ " ను మిరే చేజేతులారా నాశనం చేసుకోకండి . కాదూ , కూడదు , మేము "గే , లెస్బియన్" మేదావుల సంఘం లో చేరి వారి వివాహ హక్కులకై కొట్లాడాలి సిందే అంటారా , డిల్లి వెళ్లి సోనియమ్మా , రాజీవ్ అన్నను కలవండి . తప్పక మీకు న్యాయం జరుగుతుంది . మాకైతే మా ఆడపిల్లలే మాకు బంగారం . జై బంగారు తల్లి ! జై జై బంగారు తల్లి!  

                                                    (17/3/2014 Post Republished).