బరి తెగించిన బాయ్ ప్రెండ్ సంస్కృతికి బలి అయిపోయిన "బాలికా వధు " ప్రత్యుషా బెనర్జీ !!

                                                             

                     బారత టెలివిజన్ సీరియల్ చరిత్రలో రామాయణ , మహా భారత సీరియల్స్ తర్వాత అంత జనాదరణ పొందిన సీరియల్ బాలికా వధు . దానినే తెలుగులో "చిన్నారి పెండ్లి కూతురు " గా అనువదించి  ప్రసారం చేసారు. హిందీ లో ఆ సిరియల్ ఎంత జానాదరణ పొందిందో , తెలుగులోను అంతే ప్రేక్షకాదరణ పొందింది. ఆ సీరియల్ లో  చిన్నారి పెండ్లి కూతురు  టైటిల్ రోల్ ను పోషించిన  ప్రత్యూష బెనర్జీని తెలుగు ప్రేక్షకులు తమ స్వంత ఇంటి ఆడపడచులాగా బావించి ఆమెకు అభిమానులుగా మారారు. దీనికి ప్రధాన కారణం రాజస్తానీ సంప్రాదాయ దుస్తులలో ఆమె చూపిన హావ బావ విన్యాసం తో కూడిన నటనా కౌశల్యం . తెలుగు సీరియల్స్ ని సైతం కాదని , తెలుగు మహిళా మణులు ఈ  సీరియల్ కు బ్రహ్మ రధం పట్టారు అంటె కేవలం అందులో చూపించిన  సాంప్రాదాయ గ్రామీణ  కుటుంబ నేపద్యం పట్ల ఆసక్తి అని చెప్పవచ్చు.

    సీరియల్స్ నటించడం వేరు. బయట నిజ జీవితం లో జీవించడం వేరు. సినిమాలలో రాముడు లాంటి ఆదర్శ మూర్తి పాత్ర దరించిన నటుడు అమ్మాయిల కు మత్తు మందు ఇచ్చి బ్లూ ఫిలిం లు తీసిన కేసులో పట్టుబడి , పోలిసుల చేతిలో ఒళ్ళు హూనం చేయించుకున్న హీరో చరిత్ర మనకు విదితమే . అలాగే ఆదర్శ హీరోయిన్ పాత్రలు వేసిన వారు సైతం బ్రోతల్ కేసుల్లో బుక్ అయిన సందర్బాలు గురించి మనం చదివాం. అంటె దీనర్దం ఏమిటంటె "రీల్ లైఫ్ " వేరు! రియల్ లైఫ్ వేరు. ప్రేక్షకులు  అభిమానించాల్సింది నటననే తప్పా , నటుల్ని కాదు అని కొంత మంది నటి నటుల జీవితాలు మనకు తెలియ చేస్తున్నాయి.

                                                                 

     బాలికా వధు లో కధానాయిక ఆనంది గా నటించిన ప్రత్యూషా బెనర్జీ జీవితం ఆనందమయం కాదు ఆమె ఆత్మహత్య ఉదంతం తెలియ చేస్తుంది. "నేను నా ఝార్ఖండ్ మరియు బీహార్ రాష్ట్రాలకు పేరు తెస్తాను " అని సగర్వంగా ప్రకటించిన ఈ చిన్నారి పెండ్లి కూతురు తన 24 వ యేటనే అర్దాంతరంగా ఎందుకు ఊపిరి తీసుకుంది? దీనికి కారణం ఎవరు? సామాజిక దురాచారాలలో ఒకటి అయిన బాల్య వివాహం నేపద్యంగా నిర్మించిన సీరియల్ లోకి టైటిల్ రోల్ కధానాయిక గా రంగ ప్రవేశం చేసి యావత్ బారతావని మహిళా ప్రేక్షకుల చేత శహబాష్ అనిపించుకున్న ఈ వర్ధమాన నటిమణి కి ఏమి తక్కువ అయిందని ఆత్మహత్య చేసుకుంది? కోట్లకు కోట్లు లాబాలు గడించే సీరియల్ ఫేం కి డబ్బు తక్కువ  అని ఎవరూ అనుకోలేరు. పోని కుటుంబ సబ్యులతో ఏమన్నా గొడవలూ ఉన్నాయా అంటే అవీ లేవు. ఉంటె గింటే ఆమెకు బాయి ప్రెండ్ లతో గొడవలు ఉన్నాయని ఆమె పోలిస్ స్టేషన్ లలో ఇచ్చిన కంప్లైంట్ లు చెపుతున్నాయి. ఆమె స్నేహితులు చెపుతున్న దాని ప్రకారం ఆమె ప్రస్తుత బాయి ప్రెండ్ అయిన రాహుల్ రాజ్ ఆమెను కొట్టేవాడు అని తెలుస్తుంది. మరి అలా భాయి ప్రెండ్ చేతిలో తన్నులు తినే దురవస్త ఆమెకు ఎందుకు కలిగింది?

                                                                     

                        ఆమె 2010 నుంచి సిరియల్ లోనటించడం మొదలుపెట్టింది .  2011 నుంచి  మకరంద్ మల్హోత్రా అనే బాయి ప్రెండ్ తో "డేటింగ్ సంస్క్రుతి " లో చెట్టా పట్టాల్ వేసుకుని తిరిగింది. ఆ తర్వాత అతగాడి మీద, తనతోను తన తండ్రి తోను అసబ్యంగా ప్రవర్తిస్తున్నాడు అని పోలిస్ కేసు పెడితే , "అదేమి లేదు , కేవలం వేరెవరితోనో ప్రెష్ డేటింగ్ కార్యకలాపాలు మొదలు పెట్టింది కాబట్టే , తనతో తెగతెంపులు చేసుకోవడానికే ఇలా తప్పుడు కేసు పెట్టింది " అని మీడియా ముందు చెప్పాడు మకరంద్. ఆ తర్వాత రాహుల్ రాజ్ అనే బాయిప్రెండ్ తో డేటింగ్ పేరుతో ఏకంగా సహజీవనమే చేసింది. అతని మీద కూడా రీసెంట్ గా ఒక పోలిస్ కేసు పెట్టింది అట. అంతే కాక ఆమె పోస్ట్ మారటం లో 2 నెలల గర్భవతి అని రిపోర్ట్ వచ్చిందట . ప్రత్యుష స్నేహితులు చెప్పే దాని ప్రకారం రాహుల్ రాజ్ ఆమె మీద బహిరంగ ప్రదేసాల్లోనే చేయి చేసుకునే వాడట. ఆమె ఎంత సహజీవనం చేస్తున్న గర్ల్ ప్రెండ్ అయినా   సమాజం దృష్టిలో వివాహం చేసుకున్న  భార్యకు ఉన్నగౌరవ మరియు భద్రతా స్తానం ఆమెకు ఉండవు కదా. బహుశా ఆ స్తానం కోసమె పోరాడి ఉంటుంది. రాహుల్ రాజ్ కు ఆమె కు మద్య ఏదో ఒక సున్నిత అంశం మద్య గొడవ ఏర్పడి చివరకు అది ఆమెలో అభద్రతా బావానికి గురి చేసి ఉంటుంది. దానిని తట్టుకోలేక ఆ డెప్రెషన్ లోనే ఆమె ఆత్మహత్య చేసుకుని ఉంటుంది. ఆమె 2 నెలల గర్బవతి అని మెడికల్ రిపోర్ట్ చెపుతుండడం ఐ విషయాన్ని మరింత బాల పరుస్తుంది.

                                                                           

 
                        ఏది ఏమైనా నాటి సిల్క్ స్మిత నుంచి నేటి ప్రత్యూశా బెనర్జీ ఆత్మహత్య ల కేసుల వరకు మనకు అర్దం అయ్యేది ఒకటె. మానసిక పరిణతి చెందని వారు , తమ చుట్టూ ఉండె రంగుల ప్రపంచమే నిజం అని బ్రమపడి తమకు తెలియకుండానే ఆ ఊబిలో దిగబడి పోతున్నారు. తీరా అది ఉబి తెలిసీ దాని నుంచి బయట పడడానికి ప్రయత్నించినా అప్పటికే పీకల్లోతు కూరుకు పోయిన వారికి అది సాద్యం కాక బలవంతంగా తనువులు చాలిస్తున్నారు. వారు ఎంతో సౌక్యం అని  బ్రమ  పడుతున్న" భాయి ప్రెండ్ , గర్ల్ ప్రెండ్ సంస్క్రుతి " అందులో బాగమైన డేటింగ్ విదానం అంతిమంగా వారిని పురుషుల విలాసాలకు పనికి వచ్చే బొమ్మలుగా మారుస్తున్నాయే తప్పా , వారి  పిల్లలకు  అమ్మ లుగా ఉండెందుకు ఉపయోగపడలేక పోతున్నాయి.సదరు సంస్కృతిలో చేసే పనులుకు  స్త్రీ పురుషులు ఇరువురూ బాద్యులు అయినప్పటికి కుటుంబ బ్యాక్ గ్రౌండ్ బలంగా లేని వారు  చివరకు ఆ తప్పులకు బలి అవుతున్నారు . కాకపోతే స్త్రీలు పురుషులు కంటె ఎక్కువ  ఎమోషనల్ కాబట్టి , ఎక్కువుగా వారే ఆత్మ హత్యలకు పాల్పడుతున్నారు.

      కాబట్టి  బాలికా వధు  హీరోయిన్ ఆత్మహత్యకు బరి తెగించిన బాయ్ ప్రెండ్, గర్ల్ ప్రెండ్  సంస్కృతి యే కారణమని చెప్పక తప్పదు.  ఆమె రియల్ లైఫ్ ఎలా లీద్ చేసిందో తెలుసుకోవాలంటే You Tube విడియోలలో  లో చూడవచ్చు. ఏది ఏమైనా తన నటన ద్వారా  ప్రజలకు ముక్యంగా తెలుగు మహిళా ప్రేక్షకుల గుండెల్లో నిలిచి పోయిన ఈ  24  ఏండ్ల అమ్మాయి ఒక దుష్ట సంస్కృతికి బలి అయి పోవటం అందరూ విచారించ దాగిన విషయమే. ఆమె ఆత్మకు శాంతి చే కూర్చాలని ఆ భగవంతున్ని ప్రార్దించడం తప్పా మనం చేయగలిగింది ఏముంది?
                       (  5/4/2016 Post Resubmitted.)