"మాయమైపోతున్న తెలుగు అమ్మాయి ని రక్షించండి" --(2)

                                                                       

                    http://ssmanavu.blogspot.in/2012/09/1.html

        (ఇదిమాయమై పోతున్న తెలుగు అమ్మాయిని రక్షించండి! మొదటి బాగం  కి  కొనసాగింపు. మొదటి బాగం కోసం లింక్ ని క్లిక్ చెయ్యండి.)

  అవునండి "మాయమైపోతున్న మా  తెలుగు అమ్మాయి" గురించే నేను చెపుతున్నా!. ఏమండి ఈ మద్యన ఎవరైనా మా తెలుగమ్మాయిని  చూసారా? చూస్తే చెప్పండి బాబూ మీకు పుణ్యం ఉంటుంది. ఓ! మా తెలుగు అమ్మాయి గురించి మీకు తెలియదు కదూ! ఆనవాలు చెపుతా, వినండీ. 

                                                                   

               
                                          

                                                      
       మా అమ్మాయి అమాయకంగా అందంగా ఉంటుంది

       మా అమ్మాయి పరికిణి ( లంగా) కట్టుకుని  ఉంటుంది.అలాగే ఓణి వేసుకుని ఉంటుంది.తలనిండా పూలు పెట్టుకుని, వాలు జడకు జడ కుప్పులు వేసుకుని,చారడేసి కళ్లకు కాటుక పెట్టుకుని, నుదుటిన చంద్రబింబం లాంటి బోట్టుతో,    కాళ్లకు పట్టిలతో ముద్దబంతి పువ్వులా ఉంటుంది.ఇలాంటి అమ్మాయి మీకేక్కడైనా కనిపించిందా? మాకైతే గత 10 సంవత్సారాలుగ కనిపించడం లేదు. పండక్కో,పబ్బానికో,అక్కడ్డక్కడ తళుక్కున మెరిసి మాయమై పోతుందంతే.
                     మా అమ్మాయి ఎలా మాయమైందంటారా? ఏమి చెప్పం బాబు మా దౌర్బాగ్యం. ఎవరో పంజాబీ అమ్మాయి అంటా,ఆ అమ్మాయిని చూసింది.అంతే !ఆ రోజు నుంచి మా అమ్మాయి కనపడటంలేదు. ఎక్కడ చూసినా  పంజాబీ అమ్మాయే కనపడుతుంది. మా అమ్మాయి కనపడటం లేదు. అదేమిటని ఆ  పంజాబీ అమ్మాయిని అడిగితే "నేనే మీ అమ్మాయిని  అంటుంది". ఇదేమి అన్యాయం మీరే చెప్పండి.కాకి పిల్ల కాకికి ముద్దు అని సామెత. అలాగే మా అమ్మాయి మాకు ముద్దు గాని  పంజాబీ అమ్మాయి మాకేమి ముద్దు?

                                                                   

                   గత కొన్ని దశాబ్థాలుగ మా తెలంగాణ నాయకులు, మా ప్రాంతాన్ని తెలంగాణ రాష్ట్రం గా మారుద్దామనుకున్నారు.దాని కోసం ఎన్నో పోరాటాలు చేసి ప్రాణ త్యాగాలు చేస్తే  కాని అది సాధ్యపడలేదు  . కాని చిత్రంగా ఈ పంజాబి అమ్మాయి, మా రాష్ట్రాన్ని ఏ ఉద్యమాలు లేకుండానే మా రాష్ట్రాన్ని పంజాబి అమ్మయిల రాష్త్రం గా మార్చి వేసింది. ఇంతకంటే దారుణం వేరొకటి ఉందా?

                                                              

           అయ్యా! మీరంతా పెద్దవారు. జీవ వైవిద్యం గురించి మాట్లాడుతున్నారు. మాయమైపోతున్న పక్షులు గురించి,జంతువుల గురించి తెగ  బాద పడి పోతున్నారు. మీ బాద సహేతుకమే. కాదనను. కాని అలాగే మా బాదని అర్థం చేసుకోండి. మీరు చెపుతున్న దాంట్లోనే, స్తానిక ప్రజల సాంస్క్రుతిక వారసత్వం కాపాడడం  జీవ వైవిద్య సదస్సు ఒక్క లక్ష్యాలలొ ఒకటి. కాబట్టి మా సాంస్క్రుతిక వారసత్వం లో బాగమైన మా తెలుగు జాతి యొక్క కట్టు,బొట్టు, బాషలను  పరిరక్షించడం మీ విధి.దీని కోసం మీరు దయచేసి మా ప్రబుత్వాలను ఈ క్రింది చర్యలను తీసుకోమ్మని చెప్పగలరు  
           (1). ప్రతి స్కూల్,కాలేజిలో, తప్పనిసరిగ,శుక్రవారం నాడు, ఆడపిల్లలు తెలుగు అమ్మాయి వస్త్రదారణ చెయ్యాలి.

    (2).ప్రభుత్వం ప్రతి అమ్మాయికి 4 జతల తెలుగు అమ్మాయి వస్త్రాలు ఉచితంగా ఇవ్వాలి.


     (3).తెలుగు అమ్మాయి కి అవసరమైన అలంకరణ సామాగ్రి ఉచితంగ అందించాలి.

     (4) ప్రతి ప్రబుత్వ కార్యక్రమాలలో అమ్మాయిలు సాంప్రాదాయ  వస్తదారణ చేసేలా చూడాలి.


      (5). తెలుగు అమ్మాయిలకు బోనస్ మార్కులు ఇవ్వాలి.
                                                                           

         ఈ విషయంలో మీకొక సందేహం రావచ్చు. ఇదే రూలు తెలుగు అబ్బాయిలకు యెందుకు వర్తించదు అని .నిజమే కాని, సమయం మించిపోయింది. 5౦ ఏండ్ల క్రితమే వాడు మాయమై పోయాడు.ఎన్ని చర్యలు తీసుకున్న వాడు తిరిగి రావడం కష్టం. అందుకే మిగిలిఉన్న మన ఆశాదీపాన్ని రక్షించుకుందాము   అని. లేకపోతే ఈనాడు పంజాబి అమ్మాయి చేసిన పనే రేపు అమెరికా అమ్మాయి చెయొచ్చు. ఇప్పటికే ఇంగ్లీష్  వాళ్ల మోజులో పడి మా  భాషని నాశనం చేసుకుంటున్నాం . రేపు అంతా మాయమై పోయి తెలుగు దనమే కానరాకుండా పోయే ప్రమాదముంది .

              కాబట్టి ఓ మేదావులార మా ప్రభుత్వాలకు మీరైన నచ్చచెప్పి, కనీసం మా తెలుగు అమ్మయిని   కాపాడి  మేము కనీసం అప్పుడప్పుడు చూసుకునేల సహాయం చెయ్యగలరు. అమే ఒక్కతి చాలు మా తెలుగు సంస్క్రుతిని కాపాడడానికి. దీనికి మేము మీకు సర్వాద క్రుతజ్ణులమై ఉండగలవారము.
                                                                                                                     ఇట్లు
                                                                                                                    మనవు.