కోడి గుడ్ల కోసం కోరి గర్భం తెచ్చుకున్నామన్న "దేవుని బిడ్డలు"!!!

                                                                 

వారు గోదావరి ఖనికి చెందిన 5 గురు మహిళలు .విశ్వాసులు  అందరికీ ఉన్నట్లే వారికీ ఒక దేవుడు ఉన్నాడు . వారు ఆ దేవుడి గురించి యమ ప్రార్ధనలు చేస్తే , వారి ప్రార్దనా దీక్షకు మెచ్చి వారి దేవుడు ప్రత్యక్షమయ్యాడు . ప్రత్యక్షమై " ఏమి కావలయును అడుగండి " అని అనగా " మాకు కడుపులు కావలయును  దేవా " అని తమ మనసులోని కోరికను తెలియ చేసారట . అయితే ఇందులో తిరకాసు ఏమిటంటె  ఆ 5 గురు మహిళల్లో ఒకరికి ఆరోగ్యా కారణాల చేత గతం లో గర్భ సంచి తీసివేస్తే , మరొకరికి కుటుంభ నియంత్రణా పదకంలో బాగంగా ఆపరేషన్ చేసారట . అందుకే వారి దేవుడికి కొంత అనుమానం వచ్చి " ఇప్పుడు గర్భం లు ఎందుకు " అని ప్రశ్నించగా , తమ కాలనీలో గర్భవతులకు మాత్రమే , ప్రభుత్వం వారు రోజూ గుడ్లు , పౌష్టిక ఆహారం ఇస్తున్నారు కాబట్టి , అవి కావాలంటే " కడుపులు కంపల్సరి " అనే సరికి తెల్ల బోయిన వారి దేవుడు " అటులనే కానిమ్ము " అని వెళ్ళిపోయాడు అట.

                 ఇక ఆ దేవుడి వరం తో ఉబ్బి తబ్బిబ్బయిన ఆ దేవుని బిడ్డలు , ఆశా వర్కర్స్ దగ్గరకు వెళ్లి  తాము దేవుడి దయతో గర్భం దాల్చామని , తమకు కూడా గుడ్లు , పౌష్టిక ఆహారం ఇవ్వాల్సిందే అనే సరికి , డాక్టర్ సర్టిఫికెట్ లేనిదే అలా ఇవ్వడం కుదరదు అన్నారట, ఆశా వర్కర్ లు . దానితో వారు గొడవ చేసే సరికి వారి ఇండ్లకే వెళ్లి వైద్య పరీక్షలు నిర్వహిస్తే , వారికి గర్భం లేదని  తేలిపోయిందట . అయినప్పటికీ  ఆ దేవుని బిడ్డలు తమ పట్టు విడువక పోయే సరికి , పెద్దాసు పత్రికి వస్తే అక్కడ సంపూర్ణ పరీక్షలు జరుపుతామని చెపితే , పైన తెల్పిన ఇద్దరు మహిళలు  మాత్రమే వచ్చారట . " మీలో ఒకరికి గర్భ సంచి లేదు, మరొకరికి ఉన్నా గభం వచ్చే అవకాశం లేదు కదా" అంటె , " పదిహేను రోజుల్లో పిల్లల్ని కనక పోతే మేము దేవుని బడ్డలమే కాదు " అని వారు విచిత్రంగా మాట్లాడి వెళ్ళారట !

                                           

                పై నుంచి వీరిని గమనిస్తున్న వారి దేవుడా "ఓరి భగవంతుడా " అని తల పట్టుకు కూర్చుండి పోయాడట!ఆయా అదీ కదా !ఇన్నాళ్ళు  కళ్ళు లేని వారికి కళ్ళు , కాళ్ళు లేని వారికి కాళ్ళు మాత్రమే ఇచ్చే దేవుడు ఇప్పుడు కడుపులు కూడా ప్రసాదిస్తున్నాడు అని ప్రచారం చేస్తున్న వీరి గురించి విజ్ఞాన బాబులు ఏమంటారు ?