చక్కనమ్మ చిక్కినా అందమే ! బడాయి అమ్మాయి "బర్రె గొంతు"తో పాడినా చందమే !

                                                                               

                          మనం రైళ్ళల్లో ప్రయాణాలు చేసేటప్పుడు , కొంతమంది బిక్షకులను  చూస్తుంటాం. వారు తమకు  వచ్చిన సినిమా  పాటలు పాడుతూ బిక్షాటన చేస్తుంటారు.  వారిలో కొంతమంది  మంది గొంతులు మధురంగా కాకపోయినా , వినసొంపుగా ఉండి, వారు పాడే పాటను  కాసేపు వినేలా చేస్తాయి. వారికే కనుక అవకాశాలు కల్పించే వారుంటే , మన సిని జగత్తుల్లో చాలా మంది కంటె వారు చాలా బెటర్  నిరూపించుకుంటారు . ఇక కొంతమంది బిక్షకులు ఉంటారు . వారి గొంతులు కర్ణ కటోరంగా , రాగం తాళం అడ్డదిడ్డంగా ఉండి , వారు దగ్గరకు వస్తే  తొందరగా పైసలు ఇచ్చి పంపిస్తే బాగుండు అనిపిస్తుంది  అలాంటి కర్ణకఠోర గాత్ర దారులకు   తలమానికం లా నిలుస్తుంది  , ప్రముఖ సిని నటుడు మోహన్ బాబుగారి గారాల పట్టి మంచు లక్ష్మీ  .

 ఆమె గారికి దేవుడు ఇచ్చిన గొప్ప వరం ఏమిటంటే ,ఏ కత్తి లేకుండానే తెలుగు బాషను తుంపులు చేసి పలకడం . ఆమె గారు ఒక  బడా నట ప్యామిలీ కి చెందిన "బడాయి అమ్మాయి " కాబట్టి ఆమె ఎలా మాట్లాడినా . అహా ఒహో
అనటం తప్పా విమర్శించే సాహసం ఎవరికీ ఉండదు . ఇప్పటిదాక పలుకురాళ్ళు లాంటి ఆమె పలుకులుతోనే చచ్చి పోతుంటే , ఏకంగా ఆమెతో పాట పాడించి జనాల్ని రోకలి బండ పెట్టి కొట్టాలని "దొంగాట " సినిమా నిర్మాత నిర్ణయించుకున్నాడు అట . ఆమె తో ఒక పాట పాడించి ఆడియో, విడియో సహితంగా యూ టూబ్ లో పెట్టాడు . అది ఎలా ఉండంటె "చక్కనమ్మ చిక్కినా అందమే  ! బడాయి అమ్మాయి "బర్రె గొంతు"తో పాడినా చందమే !"అన్నట్లు ఉంది . కావాలస్ంటె క్రింది విడియోలో మీరు చూచి , విని తలలు బాదుకోవడానికి రెడీ అయి పొండి .