పురుషులు బట్టలు మార్చుకునే ట్రయిల్ రూం లో "రహస్య కెమేరాలు " ఎందుకు పెట్టరు ?

                                                                               

                  స్త్రీ పురుషులు సమానం! సమానం! సమానం ! అని,గొంతులు చించుకు అరస్తూ ,  వాస్తవ పరిస్తితులు గమనించకుండా , సమాజం లోని కొంతమంది "మగ వాళ్ళ బుద్ది " మారక ముందే , తమ వేష దారణ ,సాంప్రదాయ జీవన శైలి  మార్చుకున్న   ఆధునిక యువతీ యువకులారా నా ప్రశ్న కు బదులు ఇవ్వండి .

 స్త్రీ పురుషులు సమానమే అయితే  వస్త్ర దుకాణాల్లో బట్టలు మార్చుకునే "ట్రయిల్ రూం" లలో రహస్య కెమెరాలు స్త్రీల గదుల్లోనే ఎందుకు ఉంటున్నాయి ? పురుషుల గదుల్లో ఎందుకు కనపడటం లేదు? స్త్రీల శరీరానికి ఉన్న కమర్షియల్ విలువ పురుషుల శరీరాలకు ఎందుకు లేదు? స్త్రీ పురుషులు వస్త్ర దారణ విషయంలోనే  సమానం కానప్పుడు , నా ఇష్టం వచ్చిన విదంగా అర్ధ నగ్న  వస్త్రదారణ చేస్తాము  , సమాజం  ఎవరు మమ్మల్ని ప్రశ్నించడానికి అని అడిగే నైతిక అర్హత, అదునికులం  అని చెప్పుకునే వారికి ఉందా? 

మొన్న గోవా లో ఒక వస్త్ర వ్యాపారి , తన వస్త్రాలును దొంగిలించబడకుండా ఉండెందుకు , రక్షణ కోసం రహస్య కెమేరాలు  ట్రయిల్ రూంలో కాకుండా , బయట అమర్చుకున్నాడు . ఇది కేవలం మహిళా చోరుల నుండి తన వస్త్రాలు కాపాడుకోవడానికి చేసిన పనే కావచ్చు . దీనిని విదేశాల్లో సమర్దిస్తారేమో కాని ,స్త్రీలను దేవతలుగా పూజించే ఇండియాలో కుదరని పని. తన దుఖానంలో వస్త్రాలు కాపాడుకోవడానికి , స్త్రీల మానాభిమానాలు కించపరచే రహస్య కెమేరాలు ఏర్పాటు చేస్తాను అంటె కుదరదు . అందుకే సదరు వస్త్ర వ్యాపారి మీద మంత్రి స్మ్రుతి ఇరాని గారు కేసు పెట్టమని ఆదేసించారు. 

కాబట్టి వేలాది ఏండ్లుగా పోరాడుతున్న స్త్రీ పురుషుల మద్య అన్ని విషయాల్లో సమానత రాలేదు . స్త్రీల పట్ల మగవాడికి ఉండె సహజ "మగబుద్ది చపలత్వం " పోనంత వరకు స్త్రీ శరీరమ్ కూడా వ్యాపార వస్తువే . దానిని రక్షించుకోవడం  తప్పని సరి . పురుషుడు లోని మగ బుద్ది మారుతుందన్న గ్యారంటి ని ఆ భగవంతుడు తప్పా ఎవరూ ఇవ్వలేరు . ఒక వేళ అలాంటి ఉత్తమ పురుషులు ఉన్న సమాజం, ప్రపంచంలో ఎక్కడైనా ఉంటె , వారిని ఆదర్శంగా తీసుకుని మనం మారడమో , లేక ఇక్కడి ఆధునిక  స్త్రీలకు వీసాలు ఇచ్చి అక్కడకు పంపడమో చేస్తే సరి పోతుంది ' కాని దుర్భిణి వేసి చూసినా అటువంటి మేలైనా "మేల్ సమాజం " కనపడదే ! 

   అందుచేత మన దేశంలో పురుషులు మారే అంతవరకు అయినా పద్దతి అయిన వస్త్రదారణ చేయడం మంచిది . మగాళ్ళు మారి పోయాక , ఆదునిక యువత ఇష్టం వచ్చిన విదంగా సగం వస్త్రాలు కట్టుకుని తిరిగినా పట్టించుకునే వాడు ఉండడు . కాబట్టి అందాక ఆగండి  ! తొందరపడి ముందే కూయకండి . కోయిల కూసిందని వసంతం రాదు . ఇష్టం వచ్చినట్లు సంచరించే   స్వేచ్చ ఇచ్చినంత మాత్రానా ఆదర్శ రాజ్యం  రాదు . దేనికైనా పరిణామ క్రమం వర్తిస్తుంది . అంత వరకు ఎవరి జాగర్తలో వారు ఉండడం మంచిది .