మత మార్పిడి అంటే, ఎడారిలో ఉన్నవాడు ఓడ ఎక్కినట్టు!...

                                                                   

 మత స్వేచ్చ అనేది భారతీయుల ప్రాదమిక హక్కులో ఒకటి. కాబట్టి పలానా మతంలో ఉండు, అని బలవంతం చేసే అధికారం ఎవరికి లేక పొయినప్పట్టికి, అసలు ఉన్న మతాని కాదని కొత్త మతం స్వీకరించాల్సిన అవసరం ఏమిటి అని ప్రశ్నించుకోవడం మంచిది.ఎక్కువ మంది మేదావులు చెప్పే మాట ఈ దేశం లో కొన్ని సామాజిక వర్గాల వారు అనుసరిస్తున్న వర్ణ వివక్షతే మత మార్పిడులకు దారి తీస్తుంది అని.ఇది కొంత వరకు నిమ్న వర్గాల వారు మత మార్పిడి విషయం లో నిజమే అనుకుందాం. మరి అగ్ర వర్ణాల వారు ఎందుకు మతం మారుతున్నారు?దీని వెనుక బలీయమైన ప్రలోబాలు ఉన్నాయన్నది నిర్వి వాదాంశం.

 అసలు అన్మి మతాల మార్గం ఆ భగవంతుని చేరుకోవడం అయినప్పుడు, మత మార్పిడి అనవసరం మాత్రమే కాదు పనికి రానిది. ఉదాహరణకి మీరు ఎడారిలో ఉన్నారు అనుకుందాం.మీరు భగవంతుని గుడికి పోవడానికి ఆ ఎడారి దాటి వెళ్లాలి అంటే ఏమి చేస్తారు? ఎడారి లో ఉండే వాహన సౌకర్యం వినియోగింకుంటారు.అలాగే మీ మిత్రుడు ఒకరు దీవిలో నివాసం ఉన్నవారు కూడా అదే గుడికి రావాలంటే అతను ఓడ లేక పడవ ఎక్కి వస్తాడు. అంతే కాని మీ మిత్రుడు ఓడ ఎక్కి  వస్తున్నాడు   అని మీరు ఓడ ఎక్కి వెళతానంటే ఏలా ఉంటుంది? మీరు ఆ గుడికి చేరడo దుర్లబమవుతుంది. అసలు చేరలేక పోవచ్చు కూడ.మీకు కావాల్శింది ఎడారి ఓడే  కాని ఓడ కాదు, అని తెలుసుకునే లోపు మీ జీవితంలో విలువైన సమయం వ్రుదా అవుతుంది.

  అసలు మనం చాలా అద్రుష్ట వంతులం. మన జీవన విదానమే మన మతం. ఈ దేశం లో పుట్ట్టని అన్య మతాలను ఆశ్రయించాల్శించిన దౌర్బాగ్యం మనకు లేదు.మన మతంలోనే అనేక శాఖలు ఉన్నాయి.ఈశ్వరం ఉంది. నిరీశ్వరం ఉంది. చివరకు చార్వాక, కణాదుడు ప్రతిపాదించిన నాస్తిక తత్వం కూడ ఉంది."అభినవ మనువు" ,మహా రుషి "ఆంబేద్కర్" గారు ఈ సత్యాన్ని గ్రహించి తన బావాల కనుగుణంగా ఉన్న, "బౌద్ద మతం" స్వీకరించారు తప్ప విదేశి మతాల జోలికెళ్ల లేదు.

  హిందూ అంటే ఒక ప్రత్యేక జీవన విదానం.ప్రపంచంలోని ఇతర మతాల వలే ఇది ఏ ఒక్కరి చేత  ప్రారంభిచ బదింది కాదు, ఏ ఒక్కరి వలనో అంతమై పోదు.  అందు చేత మీకు నచ్చిన, ఈ దేశం లో పుట్టిన తత్వాలను ఆరాదించడం లేక అనుసరించడం ప్రయోజన కారిగా ఉంటుంది. జై హిందూ! జై జై హిందూ !

                              (Republished post OPD:6/11/2012)