మూడ వాదం ఎవరిది? పిరమిడ్ వాదులదా,సైన్స్ వాదులదా?

  మా బ్లాగులొ శాస్త్రీయ వాదం గురించి ఒక టపాలో చెపుతూ, దేనినైనా గుడ్డిగా నమ్మడం ఎంత తప్పో, వ్యతిరెకించడం అంతే తప్పు అని చెప్పడం జరిగింది. ఈ రోజు "మహా న్యూస్" చానల్ వారు నిర్వహించిన ఒక ప్రత్యక్ష వాదులాట కార్యక్రమం చూశాక ఈ దేశం లో సైన్స్ వాదులు అని చెప్పుకునె వారు కూడ  ఎటువంటి పరిశోదనలు చెయ్యకుండానే, తాము నమ్మినదే సత్యం అని వాదించడానికి చానల్ స్టూడియోలలో ప్రత్యక్షమవుతున్నారంటే,వారిని ఏ విదంగా అర్థం చేసుకోవాలి? వారు కూడ చీప్ పబ్లిసిటీకి అతీతులు కాదనుకోవాలా?

  విషయం ఏమిటంటే ఈ రోజు మహా న్యూస్ వారు పిరమిడ్ ద్యానమ్ యొక్క శాస్త్రీయత గురించి ఒక అభిప్రాయ వేదిక నిర్వహించారు. ఈ కార్యక్రమానికి కెవలం ఇద్దర్నె కూర్చో పెట్టారు. వారివురూ పిరమిడ్ వాదాన్ని వ్యతిరెకించె వారే. అసలు పిరమిడ్ వాదుల ప్రకారం ద్యానమ్ అనేది పిరమిడ్ ఆకారం లొ ఉన్న ఏ వస్తువు లేక కట్టడం క్రింద కూర్చుని చేస్తే త్వరగా ద్యాన పలితాలు పొందవచ్చని, అంతే కాక పిరమిడ్ వల్ల విశ్వవ్యాప్తంగా ఉండే విశ్వ శక్తిని మనిషి గ్రహించడం వలన  అనేక రుగ్మతల నుండి విముక్తుడు కావచ్చని చెపుతారు. కాదు ఇదంతా బోగస్ అని సైన్స్ వాదుల ద్రుడ అభిప్రాయం.

  సరే స్టూడియోలో ఉంది ఇద్దరూ సైన్స్ వాదులే కాబట్టి పిరమిడ్ వాదం తప్పని ఏక పక్షంగా తేలి పోతుంది అనుకున్నాను. కాని అశ్చర్యకరంగా నందం ప్రసాద్ అనె అయన పోన్ లైన్లొ వచ్చి అక్కడ ఉన్న ఇద్దరు సైన్స్ వాదులను తన అనుభవ వాదం ద్వారా నిరుత్తరులను చెయ్యడమే కాక, అసలు పిరమిడ్ లోని శాస్త్రీయత ను పరిశోదించకుండానె అ ఇద్దరు సైన్స్ వాదులు తమ అభి ప్రాయాలను ప్రజల మీద రుద్దడానికి కూర్చున్నారని తెలియ చెప్పడం లో సఫలిక్రుతుడయ్యాడు. చివరకు అందులోని ఒక సైన్స్ వాది సవాలుకు పిరమిడ్ వాది అంగీకరించి, ఏదయినా ఒక పదార్దం మీద పిరమిడ్ కలుగచెసే ప్రబావాన్ని పరిసీలించుటకు తాను ఒక పిరమిడ్ మహన్యూస్ కి పంపుతానని దానిని పరిశిలించి,వాస్తవాలను ప్రజలకు చెప్పాలని కోరాడు. ఈ ఒక్క ఉదాహరణ చాలు పిరమిడ్ వాది నిజాయితీని తెలిసికోవటానికి.

  అసలు పిరమిడ్ ద్వారా  విశ్వ శక్తిని పొందొచ్చో లేదో మనకు తెలియదు. కాని ప్రపంచ వ్యాప్తంగా డాక్టర్లు, శాస్త్రీయ జ్ణానం ఉన్నవారె అలాంటి శక్తి పొందామని తమ అనుభవాలను పుస్తకాల రూపం లొ ప్రచురించారు. కాని సైన్స్ వాదులు మాత్రం ఏ మాత్రమ్ పరిశొదించకుండానే  ఇది గారడీ లాంటి టక్కు టమారా విద్యగా కొట్టి పారెస్తునారు. ఒక వేళా పిరమిడ్ శక్తి నిజమయితే నేటి వ్యాపార ఉత్పత్తులు మార్కెట్ కీ తీవ్ర నష్టం. కాబట్టి దీని మీద పరిశొదనలకు వ్యాపార వాదులు ముందుకు రారు. పెట్టుబడులు లేకుండా ఏ పరిశొదనలు జరుగవు.

 ఆద్యాత్మికులు అనుభవ పలితాలను మాత్రమె వెల్లడించ గలరు. దానిలోని శాస్త్రీయ కారణాలను వివరించే పరిజ్ణానమ్ వారికుండదు. ఆ అవసరం కూడ వారికి లేదు. ప్రతి వ్యక్తీ స్వయమ్ అనుభవమ్ ద్వారానే వాటిని నమ్ముతారు. ఒక వేళా మాన వాళి కి దానివలన మేలు జరుగుతుందని బావిస్తే,లేదా కీడు జరుగుతుందని బావించినా తక్షణమే అటువంటి దాని మీద శాస్త్రీయ పరిసోదనలు చేసి నిజా నిజాలను పక్ష పాత రహితంగా ప్రజలకు వివరించాల్సిన బాద్యత ప్రభుత్వమ్ మీద,సైంటిస్ట్ ల మీద ఉంది. అంతే కాని అద్యాత్మికులను అవహేళన చేస్తూ,తాము పరిశొదించని వాటి మీద అభిప్రాయలు చెప్పబూనడం సైన్స్ వాదులమని చెప్పుకునే వారికి సరి కాదు. అటువంట్టప్పుడు బోగస్ బాబాల కు వీరికి మద్య పెద్ద తేడా ఉండదు..ఈ రోజు నేను ప్రత్యక్షంగా చూసాను పిరమిడ్ వాది ఎంతో వినయంతో పిరమిద్ ని పరిశొదించమని కోరుతుంటే, సైన్స్ వాది అతన్ని, అవహేళన చెయ్యడం.అంతే కాక పిరమిడ్ వాదనని తిప్పి కొట్టలేక నాన్సెన్స్  వాల్లతో తమను మాట్లాడనియ్యవద్దని యాంకర్ని అడగడం చూస్తుంటే నిజమైన మూడత్వం ఎవరిదో ప్రేక్షకులకు తెలిసిపోతుంది.

  మహా న్యూస్ వారు ఎలాగు అటు సైన్స్ వాదులకు, ఇటు పిరమిడ్ వాదులకు మద్య పిరమిడ్ శాస్తియత గురించి పరిశిలించటానికి, ఒక అంగీకారానికి వచ్చేలా చేసారు కాబట్టి, ఆ ప్రక్రియను త్వరగా ప్రారంబించి,పిరమిడ్ శక్తి లోని నిజానిజాలను ప్రజలకు వెల్లడయ్యేలా క్రుషి చెయ్యాలి అని కోరుచున్నాను..